Page Contents
Lyrics In Kannada:
ರಚನೆ: ವಾದಿರಾಜತೀರ್ಥರು
ಆವ ಕುಲವೋ ರಂಗಾ
ಅರಿಯಲಾಗದು || ಪ ||
ಆವ ಕುಲವೆಂದರಿಯಲಾಗದು
ಗೋವ ಕಾಯ್ವ ಗೊಲ್ಲನಂತೆ
ದೇವಲೋಕದ ಪಾರಿಜಾತವು
ಹೂವ ಸತಿಗೆ ತಂದನಂತೆ || ಅ.ಪ ||
ಗೋಕುಲದಲ್ಲಿ ಹುಟ್ಟಿದನಂತೆ
ಗೋವುಗಳನ್ನು ಕಾಯ್ದನಂತೆ ||
ಕೊಳಲನೂದಿ ಮೃಗಪಕ್ಷಿಗಳ
ಮರಳು ಮಾಡಿದನಂತೆ
ತರಳತನದಿ ವರಳ ನೆಗಹಿ
ಮರವ ಮುರಿದು ಮತ್ತೆ ಹಾರಿ
ತೆರೆದು ಬಾಯಿ‌ಯೊಳಗಿರೇಳು ಲೋಕವ
ಇರಿಸಿ ತಾಯಿಗೆ ತೋರ್ದನಂತೆ || ೧ ||
ಗೊಲ್ಲತಿಯರ ಮನೆಗೆ ಪೊಕ್ಕು
ಕಳ್ಳತನವ ಮಾಡಿದನಂತೆ ||
ಒಲ್ಲದ ಪೂತನಿಯ ವಿಷವನುಂಡು
ಮೆಲ್ಲನೆ ತೃಣನ ಕೊಂದನಂತೆ
ಪಕ್ಷಿ ತನ್ನ ವಾಹನವಂತೆ
ಹಾವು ತನ್ನ ಹಾಸಿಗೆಯಂತೆ
ಮುಕ್ಕಣ್ಣ ತನ್ನ ಮೊಮ್ಮಗನಂತೆ
ಮುದ್ದುಮುಖದ ಚೆಲ್ವನಂತೆ || ೨ ||
ಕರಡಿ ಮಗಳ ತಂದನಂತೆ
ಶರಧಿ ಮಗಳು ಮಡದಿಯಂತೆ ||
ಧರಣಿಯನ್ನು ಬೇಡಿದನಂತೆ
ಈರೇಳು ಲೋಕದ ಒಡೆಯನಂತೆ
ಹಡಗಿನಿಂದಲಿ ಬಂದನಂತೆ
ಕಡಲದಡೆಯಲಿ ನಿಂದನಂತೆ
ಒಡನೆ ಮಧ್ವರಿಗೊಲಿದನಂತೆ
ಒಡೆಯ ಹಯವದನನಂತೆ || ೩ ||
Lyrics In English:
Composer: Vadiraja Tirtharu
Ava kulavo Ranga,
ariyalagadu ||pa||
Ava kulavendariyalagadu
gova kayva gollananthe
devalokada parijathavu
hoova satige tandanante || a.pa ||
Gokuladalli huttidanante
govugallannu kaydanante
kolalanoodi mrugapakshigala
maralu madidanante
taralatanadi varala negahi
marava muridu matte haari
teredu bayiyolagirelu lokava
irisi taayige tordanante || 1 ||
Gollatiyara manege pokku
kallatanava madidanante
ollada pootaniya vishavanundu
mellane trunana kondanante
pakshi tanna vaahanavante
haavu tanna haasigeyante
mukkanna tanna mommaganante
muddumukhada chelvanante || 2 ||
Karadi magala tandanante
sharadhi magalu madadiyante
dharaniyannu bedidanante
eerelu lokada odeyanante
hadaginindali bandanante
kadaladadeyali nindanante
odane madhvarigolidanante
odeya hayavadanante || 3 ||
