Page Contents
Lyrics In Kannada:
ರಚನೆ: ಪುರಂದರದಾಸರು
ಬಂದಾಳು ನಮ್ಮ ಮನೆಗೆ |
ಶ್ರೀ ಮಹಾಲಕ್ಷ್ಮಿ ಸಂಜೆಯ ಹೊತ್ತಿನಲ್ಲಿ || ಪ ||
ಬಂದಾಳು ನಮ್ಮ ಮನೆಗೆ ನಿಂದಾಳು ಗೃಹದಲ್ಲಿ |
ನಂದ ಕಂದನ ರಾಣಿ ಇಂದಿರೇಶನ ಸಹಿತ || ಅ.ಪ ||
ಹೆಜ್ಜೆಯ ಮೇಲೆ ಹೆಜ್ಜೆ ನಿಕ್ಕುತ
ಗೆಜ್ಜೆಯ ಕಾಲ ಘಲ್ ಘಲ್ ಘಲುರೆನುತ |
ಮೂರ್ಜಗವ ಮೋಹಿಸುತ್ತ ಮುರಹರನ ರಾಣಿಯು
ಸಂಪತ್ತು ಕೊಡಲಿಕ್ಕೆ ವೆಂಕಟೇಶನ ಸಹಿತ || ೧ ||
ಪ್ರತಿ ದಿನ ಸಂಜೆಯಲ್ಲಿ
ಶ್ರೀ ಮಹಾಲಕ್ಷ್ಮಿ ನಗುತ ಕುಳಿತಿರಲು |
ಭೂಸುರರೆಲ್ಲಾ ಸೇರಿ ಸಾಸಿರ ನಾಮ ಪಾಡಿ
ವರವ ನೀಡುವಳು ತಾಯಿ ವಾಸುದೇವನ ಸಹಿತ || ೨ ||
ಕನಕವಾಯಿತು ಮಂದಿರ ಜನನಿ ಬರಲು
ಜಯ ಜಯ ಜಯವೆನ್ನಿರೋ |
ಸನಕಾದಿ ಮುನಿಗಳ ಸೇವೆಯನು ಸ್ವೀಕರಿಸಿ
ಕನಕವಲ್ಲಿಯು ತನ್ನ ಕಾಂತನ ಕೂಡಿಕೊಂಡು || ೩ ||
ಉಟ್ಟ ಪೀತಾಂಬರವು ಹೊಳೆಯುತ್ತಾ
ತೊಟ್ಟ ಕಂಕಣ ಕೈಪಿಡಿಯುತ್ತಾ |
ಸೃಷ್ಟಿಗೊಡೆಯಾ ನಮ್ಮ ಪುರಂದರವಿಠಲನ
ಪಟ್ಟದ ಅರಸಿ ನಮಗೆ ಇಷ್ಟಾರ್ಥ ಕೊಡಲಿಕೆಂದು || ೪ ||
Lyrics In English:
Composer: Purandara Dasaru
Bandaalu namma manege |
shri mahalakshmi sanjeya hottinalli || pa ||
Bandaalu namma manege nindaalu gruhadalli |
nanda kandana raani indireshana sahitha || a.pa ||
Hejjeya mele hejjeyanikkuta
gejjeya kaala ghall ghall ghalurenuta |
moorjagava mohisutta muraharana raaniyu
sampattu kodalikke venkateshana sahita || 1 ||
Prati dina sanjeyalli
shri mahalakshmi naguta kulitiralu |
bhoosurarella seri saasira naama paadi
varava needuvalu taayi vasudevana sahita || 2 ||
Kanakavayitu mandira janani baralu
jaya jaya jayavenniro |
sanakadi munigala seveyanu sweekarisi
kanakavalliyu tanna kantana koodikondu || 3 ||
Utta peetambaravu holeyutaa
totta kankana kaipidiyutaa |
srushthigodeya namma purandaravittalana
pattada arasi namage ishtaartha kodalikkendu || 4 ||
